[走塑大使]有冇人覺得買麵包好浪費膠袋?

2017-08-14
308
5
題外話:圖中嘅飯盒係喺冒險樂園換的~~二千幾票 入得微波爐
。。。。。。
大家有冇試過去麵包舖買包?甚至已經有每日買包做早餐嘅習慣?
無論係大公司定係小店,每次買包嘅時候,店員一般都會將個包放入膠袋再比你攞走。
而你。。。一般都會拎走袋包ok sorry我知道好爛

呢個程序聽落好普通,但係大家有冇諗到,喺店員將個包放入膠袋嘅一瞬間,大家就一齊用多左膠。
膠係好難分解的blah blah blah..←相信大家都已經聽過好多次呢類說話了 所以唔多講:-P

對於超市購物後得來嘅膠袋,我地都仲可以重用,令佢發揮倒多次用途。
但係麵包膠袋唔同,因為裝嘅係麵包,所以個袋通常都會污糟左/油淋淋。而裝包嘅袋唔會好大個,所以都唔可以用尼做垃圾膠袋。

"咁你而家即係叫人唔好食包?:-O"

並不是的!

其實呢個問題係好容易解決的!!
大家只要自備容器去買就可以了~
我自己就用開eco wrap
↓My eco wrap↓


除左eco wrap,用餐盒/適合放麵包嘅容器都可以,甚至你唔介意嘅 就咁用手拎都得:-P

大家如果係第一次見倒呢種做法,可能會覺得好奇怪
但其實喺香港,會咁樣做嘅人一啲都唔少。
而且我去過嘅麵包舖(大型至美x西餅店 小型至街上舖仔)都好歡迎人自備容器買包。只要夾包前問一聲"請問可以直接放入去嗎?"我相信店員係唔會拒絕的

另外分享下,我試過買包嘅時候,老闆娘見我自備容器買包,就同我講話 "而家愈尼愈多人都自己帶嘢尼裝包 有個男人日日翻工前都會攞自己個飯盒尼買包架! 呢啲(自備容器嘅行為)唔係淨係女仔先做架! 個個都會咁做:-D"

既然環保地買麵包係一件咁易嘅事,咁大家就唔好因為怕醜所以唔自帶容器買包啦~
(買外賣都一樣!!)

同類文章推薦

留言 ( 5 )

  • 小能維尼好惡

    2017-08-27
    Eric Ng:唔好意思 而家先見倒你個留言
    都係架 只要我地每人每日減少用一樣即棄膠製品 咁都已經係一個好開始尼架啦
  • Eric Ng

    2017-08-22
    同意,香港人每年用嘅即棄膠製品數量驚人!拯救地球呀我哋要
  • 小能維尼好惡

    2017-08-14
    飛去芝士星球外太空:其實帶個盒都未必唔方便架~而家唔同牌子都有出啲摺疊盒 咁唔用嘅時候摺起佢,放入個袋到 都唔會阻好多位~*^o^*

    happyshare:都係架 只要多左人養成自備餐具/容器嘅習慣,咁就會用少左好多膠架啦~

    多謝睇左呢篇嘢嘅人:-P希望你地會著手試下啦~
  • happyshare

    2017-08-14
    系好好嘅idea!同自備環保袋差唔多!!
  • 飛去芝士星球外太空

    2017-08-14
    雖然出街要帶個盒買包都未必方便,但為左環境,有時都可以試下嘅。其實可降解膠袋都係幾好嘅選擇,可以用黎取替一般膠袋,當然啦都要慳D用~